Долги натпревари, премногу турнири, топлина, менување топчиња… сето ова ги „убива“ тенисерите. „Газета дело Спорт“ се занимаваше со оваа тема, по бројните повреди и повлекувања на играчи од врвот.
Најнов во низата е Џек Дрејпер, кој предвреме ја заврши сезоната, а случаите на Карлос Алкараз и Јаник Синер се добро познати.
Прво Шпанецот отсуствуваше поради повреда на зглобот, а потоа Италијанецот направи пауза поради повреда на коленото.
И додека до пред 30 години врвните тенисери можеа внимателно да ги планираат своите турнири, сега задолжителниот систем за рангирање и двонеделниот Мастерс ги принудуваат играчите да настапуваат речиси без престан.
Според неодамнешните истражувања, повредите и повлекувањата на Турнејата се зголемија за 25 проценти, со драматично зголемување од повеќе од 100 проценти за повреди на горните екстремитети и рамото во споредба со претходните децении.
„Тенисот од минатото фаворизираше повеќе линеарни движења, прави или вртечки удари и помала употреба на ротација на зглобовите и трупот“, вели Клаудио Чимала, италијански физиотерапевт.
