Новак Ѓоковиќ се пласираше во финалето на турнирот во Пекинг откако Данил Медведев беше дисквалификуван при резултат 7:5, 5:3.
Во еден момент, Русинот удри гледач на трибините со топче, по што судијата одлучи да го прекине натпреварот. Ѓоковиќ подоцна призна дека таков исход го изненадил.
„Малку сум шокиран. Се надевам дека лицето не е повредено. Жал ми е и за Данил, бидејќи точно знам какво е да бидеш дисквалификуван. Ми се случи и мене на Отвореното првенство на САД во 2020 година“, рече Ѓоковиќ.
“I know how it feels to be disqualified in a big match”
Novak Djokovic feels for his opponent Daniil Medvedev and the injured fan at the China Open ❤️ https://t.co/clyHx5cx93
— TNT Sports (@tntsports) October 5, 2026
Српскиот тенисер се потсети на натпреварот против Пабло Карењо Буста, кога ненамерно ја удри линиската судијка Лаура Кларк со топче и беше дисквалификуван поради тоа.
„Денес бев на три бода од победа. Имавме неверојатна борба“, додаде Ѓоковиќ.
Тој ќе се бори за трофејот во Пекинг против Алекс де Минор. Финалето е утре во 13 часот.
