Поранешниот тренер на Наполи, Антонио Конте во интервју за „Атлетик“ призна дека токму најтешките порази во неговата играчка кариера го обликувале во еден од најуспешните тренери во современиот фудбал, потсетувајќи се на горчината од губењето финалиња со италијанската репрезентација и Јувентус.
Тој, исто така, се осврна на неговите успешни и помалку успешни „патувања“ во Премиер лигата. Зборувајќи за привлечноста на многу од најсилните лиги во светот и потенцијалните идни предизвици во неговата кариера, Конте прво се осврна на огромната финансиска предност што ја имаат островските клубови во однос на остатокот од Европа, нагласувајќи дека само парите не гарантираат успех без јасна визија.
„Во Англија денес користат базуки, додека сите други сè уште користат пиштоли. Но, исто така, мора да бидеме внимателни кога станува збор за начинот на кој се трошат тие пари. Затоа е важно да се направат правилни проценки и да се има визија – бидејќи можете да ги имате сите пари на светот, но мора да знаете како да ги трошите мудро“, рече Конте во интервју за „Атлетик“.
Италијанскиот стручњак нагласува дека го привлекуваат само оние клубови каде што очекувањата и притисокот се најголеми, каде што не доаѓа заради ред, туку за да го разбуди шампионскиот менталитет.
„Ако одите во клуб чија историја зборува сама за себе – историја напишана со трофеи, титули и победи – можете да ја почитувате таа историја само на еден начин: со амбиција да го вратите тој клуб таму каде што припаѓа, повторно да се борите за највисоките цели. Знам многу добро дека само еден тим може да победува секоја година, но јас морам да ја носам во моето срце – или да ја всадам во срцата на навивачите, играчите и менаџментот – таа искра, таа надеж што ве тера да кажете: „можеме да победиме“. Дури и ако е само еден процент шанса, тој еден процент мора да стане 70, 80 или дури 100 проценти. Сè зависи од тоа како ја пренесувате. Тренерот е клучен затоа што ја пренесува таа порака ден за ден. Тој комуницира секој ден со сите: неговиот тренерски персонал, масерот, благајникот, физиотерапевтот – со сите луѓе кои мора да бидат вклучени и да се чувствуваат како дел од тимот што пишува историја. А историјата се пишува само преку победи. Има многу клубови кои некако ја изгубиле од вид својата историја. Обожавам, би сакал да одам во…“ клуб како тој, да ја избрише прашината од таа историја и повторно да ја направи да блесне. Клубови каде што има притисок, каде на крајот на денот многу добро знаете дека не одите таму само за да учествувате, туку да се натпреварувате.“, истакна Конте.
