Претседателот на Барселона, Жоан Лапорта, откри детали за преговорите со Атлетико Мадрид за Хулијан Алварез.
„Тие се однесуваа како да се навредени, иако не можеа да го оправдаат своето однесување. Ние направивме она што обично се прави: прво имаше контакт меѓу клубовите, а потоа јас лично го контактирав Мигел Анхел Хил (генерален директор на Атлетико – н.з.). Тој ми рече дека Хулијан нема да дојде затоа што немаат замена. Потоа реагираа несоодветно“, рече Лапорта.
‼️ Joan Laporta: "Atlético Madrid showed their true colors. They acted as though they were the offended party because they had no way of justifying their attitude. We did what is normally done: there was communication between the clubs, and then I personally spoke with Gil Marín.… pic.twitter.com/kOu8p0UTlj
— Atletico Universe (@atletiuniverse) September 19, 2026
„Не знам која беше причината за ова, можам само да претпоставам, но немам докази. Имавме информации дека ќе го продадат на кој било друг клуб, но не на Барселона. Потоа ги симнаа маските и го кажаа тоа отворено“, додаде претседателот на каталонскиот клуб.
Алварез цело лето инсистираше на преселба во Барселона, но на крајот, трансферот не се случи и Аргентинецот остана во Атлетико.
