Иднината на Роберт Левандовски во Барселона останува неизвесна, а полскиот напаѓач признава дека сè уште не донел конечна одлука дали да остане во каталонскиот клуб, со оглед на тоа што неговиот договор истекува во јуни оваа година.
„Не можам засега да кажам ништо за тоа за што ќе одлучам, бидејќи не знам, ниту пак сум 50% сигурен во кој правец сакам да одам“, рече играчот во интервју за Атлетико, спротивставувајќи се на коментарите на неговата сопруга од јануари, кои сугерираа дека ова ќе биде неговата „последна сезона во Барса“.
Иако заминувањето на крајот од сезоната изгледа веројатно, Левандовски не брза.
„Не знам, морам да го почувствувам тоа. Со моите години и искуство, не морам да одлучам сега“, објасни 37-годишниот напаѓач, кој веќе постигна 115 гола за „блауграна“.
Полскиот интернационалец додаде дека одлуката може да се донесе подоцна, без никаков притисок.
„Можеби за три месеци ќе биде време за тоа, но дури и тогаш не го чувствувам стресот. Треба да почнам да го чувствувам за да ми биде полесно кога ќе зборуваме за мојата иднина“, рече тој.
Без оглед на тоа што му носи иднината, Левандовски е позитивен во врска со времето поминато во Барселона.
„Престојот во Барса во овие последни неколку години ми овозможи да видам колку посветеност и работа се вложуваат зад сцената за да се турка клубот напред. Има многу амбиција и верба во иднината“, коментираше тој.
Во истото интервју, Левандовски ги сподели и своите мисли за неговата физичка форма и промените во исхраната за време на неговата кариера.
„Порано мислев дека можам да јадам што сакам затоа што бев слаб, но кога тренирав, немав сила. Почнав да се менувам и за неколку недели разликата беше огромна.“, изјави Полјакот.
