Ромелу Лукаку е се поблиску до трансфер во Фенербахче откако Наполи ја прифати втората понуда на турскиот гигант за напаѓачот. Понудата е вредна шест милиони евра плус бонуси, а Белгиецот ги договорил и личните услови со „фенерите“.
Според Фабрицио Романо, сите документи ќе бидат потпишани денес, по што трансферот ќе биде официјално објавен. Џанлука Ди Марцио додава дека Лукаку веќе ги поминал лекарските прегледи. По две сезони во Наполи и вкупно четири поминати во Серија „А“, 33-годишниот голгетер ќе игра во турската Суперлига од следната сезона.
Наполи во секој момент ќе му достави понуда на Арсенал за Габриел Жесус, кој ќе биде доведен како замена за Белгиецот. „Небесносините“ веќе добиле принципиелна согласност на Бразилецот. Тимот од Лондон сака околу 20 милиони евра за него, а покрај тоа, Наполи мора да го убеди играчот да ја намали платата.
