Рома официјално го објави трансферот на десниот бек Науел Молина, кој пристигнува од Атлетико Мадрид за вкупно 18 милиони евра. Договорот на играчот е за четири години со плата од 3,5 милиони евра по сезона со вклучени бонуси.
За Молина, кој ќе го носи дресот со број 20, ова ќе биде втор престој во Серија А по неговите две сезони со тимот на Удинезе. Оттаму Атлетико го потпиша во 2022 година за 20 милиони евра. 28-годишниот играч има запишано вкупно 181 натпревар со 9 гола и 17 асистенции за тимот од Мадрид.
Покрај тоа, тој е репрезентативец на Аргентина, за кого има 65 натпревари со 1 гол и 5 асистенции. Со „албиселесте“, бекот има подигнато 4 трофеи: Светското првенство, двапати Копа Америка и Финалисима.
