Младинскиот репрезентативец Димитар Узунчев и официјално е претставен како нов ракометар на Целје. Минатата сезона ја одигра во дресот на Бутел, а претходно настапуваше и за Мулти есенс.
„Голема чест е што станувам дел од клуб со богата традиција и докажан систем за развој на млади ракометари. Пресреќен сум што ќе ја имам можноста да настапувам во Лигата на шампионите, што претставува исполнување на еден од моите најголеми соништа. Ќе дадам сè од себе да ја оправдам довербата и да придонесам за што подобри резултати на тимот“, изјави Узунчев.
