Поранешниот селектор на националниот сениорски кошаркарски тим на Македонија, Марјан Илиевски, застана на чело на стручниот штаб на КК Маџари за сезоната 2026/27.
Илиевски, кој е и еден од коосновачите на клубот се враќа во Маџари, каде ќе ја предводи екипата во домашното првенство и во дебито во АБА2 лигата.
Тој е едно од најквалитетните имиња во македонската кошарка, со значајно меѓународно искуство, освојувач на трофеи и тренер зад кого стојат бројни успешни проекти.
„Со неговото знаење, визија и лидерство, влегуваме силно во новите предизвици! Со нетрпение ја очекуваме новата сезона! Добредојде дома, тренеру!“, стои во соопштението на кошаркарскиот клуб.
