Хапоел Тел Авив сака да им го донесе на своите играчи еден од најдобрите скокачи во историјата на НБА, откако сопственикот на израелскиот клуб Офер Јанај испрати необична понуда на легендарниот Денис Родман.
Според „БаскетЊуз“, Јанај испратил лично писмо до поранешната НБА ѕвезда и му понудил околу 100.000 долари за патување во Израел и одржување на посебна работилница посветена на скок-шутот.
Хапоел ќе му обезбеди на Родман авионска карта во бизнис класа и хотелски смештај, а до три гости по негов избор ќе добијат ист третман. Покрај сите трошоци за сместување, петкратниот шампион на НБА ќе го добие и гореспоменатиот хонорар за пристигнување и активности со тимот.
Јанај верува дека Хапоел, и покрај големите инвестиции и брзиот раст во последните три години, сè уште има простор за подобрување кога станува збор за скок-шутот. Токму затоа дошол до идејата да ангажира човек кој го довел овој сегмент од играта до совршенство за време на неговата НБА кариера.
Sport5 Exclusive: Hapoel Tel Aviv owner Ofer Yannay has sent a letter to Dennis Rodman, offering him $100,000 to visit Tel Aviv and work with the team on rebounding.
The club would also cover business class flights and accommodation for Rodman and up to three guests.… pic.twitter.com/wwSSI9FWrh
— Sport5 (@sport5il) August 12, 2026
Родман e познат по деталното проучување на траекторијата на топката, аглите на шутирање и начинот на кој топката се одбива од обрачот, а сопственикот на Хапоел сака да пренесе дел од тоа знаење на играчите на клубот од Евролигата.
Планот не е ограничен само на тренинг, бидејќи Родман би поминал неколку дена во Тел Авив, би одржал работилница со кошаркарите на Хапоел, би учествувал во интервју и ВИП настан, а планирана е и заедничка вечера со претставници на клубот. Хапоел би добил можност да го користи снимениот материјал за маркетиншки и промотивни цели.
Јанаj отиде чекор понатаму во својата понуда, ветувајќи му на Родман запознавање со ноќниот живот во Тел Авив и ВИП пристап до одбрани места за време на неговиот престој во Израел.
Родман денес има 65 години, а во текот на своите 14 сезони во НБА, изгради репутација како еден од најдобрите скокачи и дефанзивци на сите времиња. Освои пет шампионски прстени, седум пати беше најдобар скокач во лигата и двапати беше прогласен за најдобар дефанзивец во НБА.
