Манчестер Сити би можел да претрпи сериозен финансиски удар ако одлуката во случајот со наводно кршење на финансиските правила во Премиер лигата остане на сила.
Според информациите што ги цитира англиски „Телеграф“, некои од спонзорите на клубот веќе ги преиспитуваат своите тековни договори поради можноста „граѓаните“ да бидат отстранети од елитата.
Некои од партнерите на Сити имаат клаузули што би можеле да им дозволат повторно да ги преговараат условите на нивните договори ако клубот испадне од Премиер лигата. Таквото сценарио би значело и потенцијално губење на приходите од учеството во Лигата на шампионите ако на тимот не му биде дозволено да се натпреварува на турнирот.
Можните санкции сè уште не се утврдени, а се дискутираат опции, вклучувајќи одземање на бодови, испаѓање и други казни.
Вчера, сите реномирани медиуми во Велика Британија објавија дека Манчестер Сити е прогласен за виновен по 114 од 115-те обвиненија, но клубот продолжува да ја потврдува својата позиција како невини и се очекува да се жали на одлуката.
Претседателот Халдун Ал Мубарак, исто така, изјави дека довербата на клубот во докажувањето на својата невиност останува непроменета, иако самото судење сè уште не е завршено.
