Претседателот на Сити: Клубот ќе докаже дека не е виновен за финансиски малверзации

Претседателот на Манчестер Сити, Халдун Ал Мубарак, изјави дека клубот ќе докаже дека не е виновен по 115 обвиненија за кршење на финансиските правила на Премиер лигата

Прегледи:

Датум:

Претседателот на Манчестер Сити, Халдун Ал Мубарак, изјави дека клубот ќе докаже дека не е виновен по 115 обвиненија за кршење на финансиските правила на Премиер лигата.

„По медиумските извештаи во петокот, многумина од вас ја поминаа вечерта одговарајќи на прашања и пораки од пријатели, семејство и колеги. И јас. Еве што му кажав на моето семејство: „Процесот во Премиер лигата сè уште не е завршен, а нашата верба и решителност да ја докажеме невиноста на клубот е исто толку силна како кога сето ова започна“, рече Ал Мубарак во соопштението.

Британските медиуми објавија дека процесот влегол во фаза на жалба, откако беше објавено дека повеќето од обвиненијата се докажани.

„Има многу што би сакал да споделам со вас за да објаснам зошто сме толку сигурни во нашата позиција. Сепак, строгата доверливост на правниот процес, како и нашата решителност да го почитуваме, значи дека не можам да го сторам тоа во моментов. Дури и ова писмо помина низ неколку правни проверки за да се осигури дека е во согласност со правилата“, изјави претседателот на „граѓаните“.

Тој рече дека овој случај нема да го забави развојот на клубот.

„Иако некои брзаа со свои заклучоци и иако има многу врева околу нас, ништо не се промени. Претходно се соочувавме заедно со предизвици и излеговме како победници. Сè уште има такви кои сакаат да го забават напредокот на нашиот клуб. Нема да им ја дадеме таа можност“, рече тој, додавајќи дека по паузата поради меѓународните обврски, клубот очекува возбудливи денови.

„За две недели ќе бидеме на гости на Енфилд, а потоа на стадионот Етихад ќе бидеме домаќини на Пари Сен Жермен во Лигата на шампионите, натпревари што ни даваат можност да ја прославиме силата на семејството Манчестер Сити“, рече Ал Мубарак.

Премиер лигата отвори постапка против Манчестер Сити во февруари 2023 година по четиригодишна истрага, а обвинувањата ги опфаќаат сезоните 2009/10 до 2017/18, како и неуспехот на клубот да соработува со истрагата од 2019 до 2023 година.

Обвиненијата вклучуваат неправилности во финансиското известување, приходите од спонзорства, платите на играчите и тренерите и прекршувања на финансиските правила на Европската фудбалска асоцијација (УЕФА) и Премиер лигата.

Сподели:

повеќе вести
ПОВРЗАНИ

Адидас нема да произведува топки за Лигата на шампионите, започнува нова ера со Најк

Американската компанија Најк ќе биде официјален снабдувач на топки...

Арсенал и Деклан Рајс се согласија за нов договор

Арсенал постигна согласност со една од нивните големи ѕвезди...

Лига на нации: Ноќ за паметење за Германија, кошмар за Шкотска

Вечерва беа одиграни натпреварите од последното коло во групната...

Шест од шест: Македонија потона и против Словенија, Седлоски ја заврши Лигата на нации без бод!

Македонската фудбалска репрезентација го запиша и шестиот пораз во...