Раководството на Милан наводно внимателно ја следи ситуацијата околу капитенот на Ливерпул, Вирџил ван Дајк, чиј договор истекува на крајот од сезоната.
„Газета дело Спорт“ пишува дека сопственикот на Милан, Џери Кардинале, и вишиот советник на клубот, Златан Ибрахимовиќ, многу го ценат холандскиот дефанзивец.
Врските меѓу двата клуба се дополнително зајакнати од фактот дека компанијата на Кардинале, RedBird Kapital Partners, поседува малцински удел во матичната компанија на Ливерпул, Fenway Sports Group.
Високата плата што Ван Дајк моментално ја заработува во Англија би можела да биде проблем. „Росонерите“ се подготвени да го остварат трансферот само без надомест.
„Ќе видиме што ќе донесе сезоната. Досега имав навистина неверојатен период. Ако има продолжување на соработката, така ќе биде. Ако не, ќе одам некаде на друго место“, изјави капитенот на Ливерпул пред неколку дена.
Според „Газета“, доколку Ван Дајк сака уште еден профитабилен договор во оваа фаза од својата кариера, Милан ќе има тешкотии да се натпреварува со финансиски моќни ривали од Саудиска Арабија и Турција, вклучувајќи ги Фенербахче и Галатасарај.
Милан моментално е четврти на табелата во Серија А со 24 бода, пет зад лидерот Лацио.
