Шкендија го доби првото дерби против Вардар оваа сезона откако го победи актуелниот шампион со 0-2 на Националната Арена „Тодор Проески“ во Скопје. Фабрис Тамба, кој влезе на почетокот на вториот дел, беше двоен стрелец во 52.минута и во 77.минута.
Артим Положани успеа да го надмудри Кристијан Фабијани, а Шкендија беше за класа подобра според прикажаното на дерби пресметката.
По завршувањето на натпреварот, се случи и физичка пресметка на теренот меѓу поголем број актери, соопшти ФФМ.
