Ромелу Лукаку испиша уште една интересна страница во фудбалската историја. По трансферот од Наполи во Фенербахче, белгискиот напаѓач стана втор фудбалер на сите времиња по вкупната вредност на исплатената отштета за неговите трансфери.
Според италијанскиот портал TuttomercatoWeb, Лукаку генерирал повеќе од 376 милиони евра отштета преку 10 трансфери и позајмици. Само Бразилецот Нејмар е пред него, за чии трансфери се платени вкупно 400 милиони евра.
Трансфер патувањето на Лукаку започна во 2011 година, кога Андерлехт го продаде тинејџерот на Челси за околу 15 милиони евра. Трансфери во Евертон (38,86 милиони евра), Манчестер Јунајтед (84,7), Интер (74), повторно Челси (113), Интер (7,86), Рома (5,8), Наполи (30), а сега и Фенербахче (7).
🗣️ Romelu Lukaku: Sarı!
🗣️ Taraftarımız: Lacivert!
🗣️ Romelu Lukaku: Şampiyon!
🗣️ Taraftarımız: Fener! pic.twitter.com/JCbPZFYeu8 https://t.co/KkF4LAH0Cu
— Tek Yol FENER (@TekYolFener) August 12, 2026
Неговиот трансфер од Интер во Челси во 2021 година, вреден 113 милиони евра, зазема посебно место на таа листа, што е воедно и најголемата поединечна компензација во кариерата на Лукаку.
Интересно е што Лукаку ги остави зад себе и некои од најголемите фудбалски ѕвезди на денешницата. На листата, меѓу другите, се наоѓаат Александар Исак, Усман Дембеле, Алваро Мората, Жоао Феликс и Антоан Гризман.
Малку фудбалери во историјата ги „полнеле касите“ на клубовите со своите трансфери толку пати како Ромелу Лукаку.
