„Направивме што моравме“, рече Томас Тухел, тренерот на англиската фудбалска репрезентација која ја победи Панама со 2-0 и со тоа го обезбеди првото место во Групата Л на Светското првенство.
Англија собра седум бода од три натпревари, додека Хрватска е втора со шест бода. Третопласираната Гана исто така ќе игра во нокаут фазата.
„Панама е физички напорен противник. Затоа очекувавме тежок натпревар, што и беше. Тешко е да се разбие Панама, а ние бевме единствениот тим што постигна два гола против нив и навистина создадовме многу шанси. Се мачевме, но заслуживме да победиме“, рече селекторот на Англија Тухел и ja најави нокаут фазата.
„Турнирот повторно започнува сега. Треба да собереме нова сила и енергија. Треба да продолжиме да градиме тимски дух, борбен дух и самодоверба. Сигурен сум дека ќе изгледаме сè подобро и подобро. Ни се допаѓа интензивното темпо на натпреварите, навикнати сме на тоа“, додаде Тухел.
„Го завршивме првиот дел од работата, но најважниот дел само што почнува сега. Накратко ќе го прославиме ова прво место, но и ќе почнеме да се подготвуваме за она што следи. Секој нов натпревар ќе биде тежок, но ќе бидеме подготвени“, рече Хари Кејн, кој стана најдобар стрелец на Англија во историјата на Светските првенства со 11 гола со својот гол против Панама.
