Крилниот напаѓач на Манчестер Сити, Џереми Доку, потпиша нов договор, објави клубот. Новиот договор на Белгиецот е со важност до летото 2031 година и вклучува опција за дополнителна сезона, која клубот може да ја активира.
Белгиецот им се придружи на „граѓаните“ во летото 2023 година, кога беше платен 55,5 милиони фунти од Рен. Тој се етаблираше како еден од главните напаѓачки играчи на тимот и минатата сезона постигна пет гола и седум асистенции.
Ticking the right boxes ✔️ pic.twitter.com/59Gos17rh3
— Manchester City (@ManCity) August 13, 2026
„Уживав во времето поминато во клубот досега и фантастично е што имам можност да останам подолго. Овој клуб ми значи многу, многу се развив како играч откако сум тука, но и како личност. Знам дека се подобрувам секој ден благодарение на работата што сите ја работиме тука. Тешко е да се објасни колку многу луѓето во клубот прават за да им помогнат на играчите. Не го земам здраво за готово. Возбуден сум за претстојната сезона под водство на Енцо Мареска, кој веќе е тука. Тој го исповеда фудбалот што сите го сакаме. Навивачите на Сити се исто така една од главните причини да потпишам нов договор. Ја чувствувам нивната љубов и поддршка, што многу ми значи и сакам да им го дадам она што го заслужуваат“, рече Доку.
