Роберт Левандовски (37) ќе ја продолжи својата кариера во редовите на Чикаго Фајер, клуб во американската МЛС лига. Договорот на Левандовски со Барселона истекува ова лето, а откако беше поврзуван со бројни клубови во последните месеци, донесена е одлука да замине за САД.
На почетокот на јуни, Левандовски и неговиот агент Пини Захави отпатуваа во Чикаго на состанок со раководството на клубот, што сега официјално го потврди тренерот Грег Берхалтер. Според информациите од италијанскиот експерт за трансфери Фабрицио Романо, договорот е склучен и се очекува полскиот напаѓач да го потпише договорот следната недела.
🚨💣 EXCLUSIVE: Robert Lewandowski to Chicago Fire, HERE WE GO! 🇺🇸
The Polish striker has agreed to join Chicago Fire after visiting the club and city two weeks ago.
Lewandowski will sign early next week, ready for new chapter in MLS.
Big move. 🔥🇵🇱 pic.twitter.com/JEKnCYyqRm
— Fabrizio Romano (@FabrizioRomano) June 28, 2026
Во интервју со полскиот новинар Матеуш Сквјеравски, тренерот Берхалтер ги потврди преговорите и изрази увереност во успехот на овој трансфер. Чикаго Фајер, според достапните информации, му понудил на полскиот ветеран статус на таканаречен „Designated Player“.
„Тој ги има сите состојки да биде голема ѕвезда во Америка. Оваа земја е подготвена за него. Имаше брилијантна кариера и ова би можел да биде следниот предизвик на неговото неверојатно патување“, рече Берхалтер, додавајќи дека разговорот не бил само за финансиската понуда за следните две или три години, туку за целиот проект:
„Разговаравме за неговата улога и како може да му помогне на тимот да освои шампионска титула. Мислам дека најважно е што успеавме да му покажеме сè што Чикаго има да понуди.“
Грег Берхалтер верува дека доаѓањето на Левандовски ќе го подигне тимот на ново ниво. „Во моментов сме многу агресивен тим; го имаме вториот или третиот најдобар напад во целата лига, но сакаме да бидеме најдобри“, рече Берхалтер, додавајќи: „Верувам дека со Левандовски можеме да изградиме тим кој навистина може да се бори за титулата.“
Пред паузата на Светското првенство, Чикаго Фајер беа трети во Источната конференција, зад Нешвил и Интер Мајами. Американскиот клуб не беше единствениот заинтересиран. Клубови од Италија, Турција, Саудиска Арабија, па дури и Германија беа заинтересирани за неговите услуги, но Полјакот одлучи да го прифати предизвикот наречен МЛС.
Полскиот напаѓач пристигна во Каталонија во 2022 година од Баерн за 45 милиони евра. Остави голема трага. Постигна 190 гола на 192 настапи. Освои три титули во шпанското првенство, еден Куп и три Суперкупа. Во својата прва сезона во Барселона, тој беше најдобар стрелец во шпанската Ла Лига со 23 гола.
 ќе ја продолжи својата кариера во редовите на Чикаго Фајер, клуб во американската МЛС лига. Договорот на Левандовски со Барселона истекува ова лето, а откако беше поврзуван со бројни клубови во последните месеци, донесена е одлука да замине за САД.){kind=link}