Откако во средата попладне стана јасно дека Интер успеал да постигне договор за потпишување на Џед Спенс, Британецот беше забележан како пристигнува во Милано рано утрово, каде што ќе ги помине задолжителните лекарски прегледи и ќе потпише договор со шампионите на Серија А за минатата сезона.
Фабрицио Романо, кој кон средината на неделата ја сподели веста за потпишувањето на играчот од страна на „нероазурите“, сега објави видео на својот канал на социјалната мрежа X од Спенс како излегува од автомобил и им мавта на првите навивачи и новинари кои дојдоа да го пречекаат во северна Италија.
⚫️🔵🏴 Djed Spence has landed in Milano to sign in as new Inter player from Spurs.
🎥 @fcin1908it pic.twitter.com/wAkNeFUT2a
— Fabrizio Romano (@FabrizioRomano) August 13, 2026
Спенс пристигнува во Интер од Тотенхем, а според прелиминарните информации, тимот од Милано ќе „искешираат“ 35 милиони евра од својата клупска каса за договорот со Спарс.
