Бекот Бредли Бил се согласи на двегодишен договор од 13,2 милиони долари со Лос Анџелес Клиперс, според кој ќе се врати во калифорнискиот тим во НБА.
Триесет и три годишниот Американец го помина летото како слободен агент откако неговиот претходен договор со Клиперс истече на крајот од минатата сезона. Во последните недели, Мајами Хит покажаа интерес за него, но на крајот тој одлучи да се врати во Лос Анџелес.
Welcome back, Bradley Beal! 🙌
Catch him at @IntuitDome this season 🎟️👉 https://t.co/nUroVpKxDW pic.twitter.com/TKfYLfR0Vb
— LA Clippers (@LAClippers) August 14, 2026
На крајот на јуни, Бил одби да го продолжи претходниот договор за втората година од него, во која ќе заработуваше 5,6 милиони долари. Ова му даде можност да ги разгледа своите опции за тоа каде да ја продолжи кариерата, а по значително повисока понуда од Клиперс, тој се согласи да се врати во тимот на Тајрон Лу.
Бредли Бил, трикратен Ол-стар, одигра само шест натпревари за Клиперс минатата сезона откако претрпе скршен колк во ноември.
Ветеранот ќе влезе во својата 15-та НБА сезона, откако досега одигра 807 натпревари, со просек од 21,4 поени, 4,3 асистенции и 4 скока со Вашингтон Визардс (2012-2023), Финикс Санс (2023-2025) и Клиперс минатата сезона.
