Евролигата ќе има 20 клуба следната сезона, а главната вест е дека Бешикташ, предводен од српскиот тренер Душан Алимпијевиќ, ќе го замени Монако, кој се повлече, во елитата, објавува „Баскет њуз“. Од сезоната 2027/28, натпреварувањето ќе се прошири на 24 клуба.
Според порталот, сè што останува е челниците на Евролигата формално да го потврдат преминот на Монако во Еврокупот поради финансиската криза на клубот и да го именуваат Бешикташ за наследник на „кнезовите“ во следната сезона. Бешикташ е поразен финалист на Еврокупот, но Бурж се откажа од можноста да игра во Евролигата.
Ова значи дека покрај Бешикташ, учесници во Евролигата следната сезона ќе бидат Ефес, Асвел, Басконија, Дубаи, Олимпија Милано, Барселона, Баерн, Фенербахче, Хапоел Тел Авив, Макаби Тел Авив, Олимпијакос, Панатинаикос, Париз, Реал, Валенсија, Виртус, Жалгирис, Партизан и Црвена Звезда.
Понатаму се нагласува дека Евролигата планира да се прошири на 24 клуба и да се подели на конференции од сезоната 2027/28, но списокот на учесници ќе зависи од евентуалното враќање на Монако, вклучувањето на Абу Даби и потенцијалното враќање на руските клубови во натпреварувањето, доколку наскоро заврши воениот конфликт во Украина.
