Дон Нелсон, вториот тренер со најмногу победи во НБА, почина на 86-годишна возраст.
Веста за смртта на легендарниот стручњак ја објави тимот на Голден Стејт Вориорс, а подоцна ја потврдија и другите тимови за кои работеше.
Како играч во НБА, Нелсон освои пет шампионски титули со Бостон Селтикс, а како тренер има повеќе од 250 победи со три различни клуба – Милвоки Бакс, Голден Стејт Вориорс и Далас Маверикс. Три пати беше избран за „Тренер на годината“ и имаше успешна кариера како генерален менаџер.
Во 1970-тите, Нелсон ја револуционизираше НБА со интегрирање на брзо темпо на игра, во кое центрите ја изгубија водечката улога што ја имаа во претходните години.
Дон Нелсон ја заврши својата тренерска кариера во 2010 година со 1.335 победи, откако за малку го подобри рекордот на Лени Вилкинс од 1.332. Тој го држеше првото место 12 години пред да биде надминат од поранешниот тренер на Сан Антонио Спарс, Грег Попович, во март 2022 година.
