Македонската тенисерка Лина Ѓорческа успеа да постигне победа во второто коло од квалификациите на Вимблдон откако ја совлада Франциска Жорге од Португалија со 2-1 во сетови (57 62 61) за 2 часа и 23 минути игра. Триумфот на Ѓорческа беше остварен со пресврт и во вториот и третиот сет буквално доминираше на теренот број 10 и направи серија од 12:3 во гемови.
По загубениот сет, Ѓорческа почна по решително во вториот сет и со два брејка поведе со 3:0 во гемови, а Жорге намали со брејк на 3:1. Македонската тенисерка направи уште еден брејк во седмиот гем и поведе со 5:2, а во осмиот гем на свој сервис ја искористи првата сет топка за 6:2 и 1-1 во сетови.
Во решавачкиот сет Македонката поведе повторно со 3:0 во гемови по двата брејка, а вториот беше по десет одиграни поени. Во следниот гем Жорге направи брејк, но тоа беше сè од неа во третиот сет бидејќи Ѓорческа ја искористи втората меч топка и сетот го доби со убедливи 6:1.
Утре во третото коло од квалификациите (финале) за влез на главниот турнир Лина Ѓорческа ќе игра против Лусија Бронцети од Италија, која со 2-0 во сетови (63 63) ја победи Јустина Микулските. Ова ќе биде трет меѓусебен дуел на двете тенисерки, а скорот 1-1 во победи. Двата меча беа решени во три сета и беа одиграни во 2021 година, а во Белинцона (Швајцарија) победи Бронцети, а во Москва (Русија) триумфираше Ѓорческа.
Денешната програма на Вимблдон беше во прекин околу 1,5 час поради високите температури.
 за 2 часа и 23 минути игра. Триумфот на Ѓорческа беше остварен со пресврт и во вториот и третиот сет буквално доминираше на теренот број 10 и направи серија од 12:3 во гемови.){kind=link}