Јаник Синер е подготвен и физички и психички да ја одбрани титулата на Вимблдон. Италијанецот пристигна во Лондон и потврди дека загрижувачката здравствена епизода од претходниот Гренд слем во Париз е успешно завршена.
Грчеви, замор и губење на енергија среде натпревар доведоа до елиминација на Синер од Ролан Гарос многу порано од очекуваното, а Италијанецот потоа беше подложен на детални медицински тестови во неколку клиники за да се открие причината за неговиот колапс во Париз.
Иако неговиот тим не ѝ достави на јавноста детали за медицинските наоди, тениските кругови сè уште дискутираат што всушност се случило со Синер. И покрај сè, светскиот број еден е оптимист за појавување на третиот Гренд слем во сезоната.
„Се чувствувам добро. Работевме напорно во последните неколку недели, па затоа сум во многу добра физичка форма. Играв многу во последните неколку месеци, па затоа добар тренинг блок беше многу потребен за да го вратам моето тело силно и добро се опоравив. Но, најважно за мене е да бидам ментално во добра форма и се надевам дека ќе можам да се натпреварувам на највисоко ниво“, рече Синер.
Отсуството на Карлос Алкараз би можело да му ја олесни работата во борбата за трофејот, иако е свесен дека проблемот може да биде што не одиграл ниту еден натпревар на трева оваа сезона. Тој забележува дека ќе мора да биде многу внимателен на почетокот и дека се надева дека како што напредува турнирот ќе влезе во потребната форма и ритам.
Иако Синер не го спомена тоа, тениската јавност е најзагрижена за уредот што го носел за време на тренингот во последните денови.
Станува збор за сензор што се поставува на раката и кој континуирано ги мери нивоата на шеќер во крвта.
Sinner ha sido visto estos días en Montecarlo usando este dispositivo, que ha despertado el interés de más de uno, preguntándose qué es eso.
Es algo muy concreto.
El italiano parece estar usando un sensor de glucosa, un dispositivo cada vez más utilizado en el deporte de élite… pic.twitter.com/XZ8hFZTxyd
— José Morón (@jmgmoron) June 17, 2026
Неговиот тим одлучи Синер да го користи медицинскиот уред долгорочно, за со текот на времето да добијат појасна слика за можните проблеми што влијаат на неговата физичка состојба.
Синер досега освои четири Гренд слем турнири во кариерата – две Отворени првенства на Австралија, Отвореното првенство на САД и Вимблдон.
