Фудбалерот од средниот ред на Нотингем, Елиот Андерсон, е блиску до рекорден англиски трансфер во Манчестер Сити, тврди „Дејли меил“.
Форест веќе одби две понуди за играчот и е заинтересиран да добие финансиски пакет од 130 милиони фунти, што би го направило Андерсон еден од најскапите играчи во историјата.
Елиот имаше одлична сезона во Нотингем и ја заработи довербата на Томас Тухел. Тој започна во првите два натпревари на Англија на Светското првенство во Северна Америка.
Манчестер Јунајтед е исто така заинтересиран за Андерсон, но „Црвените ѓаволи“ се откажаа од борбата за неговиот потпис, бидејќи сметаа дека е премногу скап.
Сепак, Манчестер Сити е подготвен да ги даде парите и е блиску до договор. Нови разговори меѓу „граѓаните“ и Нотингем ќе се одржат утре.
