Кошаркарската репрезентација на Македонија со победа го заокружи подготвителниот период пред јулските предизвици од претквалификациите за Европското првенство во 2029 година.
Во салата „Лазар Лечиќ“ во Скопје, избраниците на селекторот Жозе Мариа Берокал ја совладаа Бугарија тесно со 91:87.
Најголемо внимание привлече деби-настапот на Ди-Џеј Стјуарт јуниор. Новото американско засилување веднаш покажа дека може да биде важен дел од тимот, завршувајќи го натпреварот како најефикасен кошаркар со 26 поени.
Стојан Ѓуроски постигна 15 поени (5/8 во шутот за три поени), додека Виктор Ефремовски реализираше 12.
