Македонската репрезентација до 16 години претрпе пораз од Ирска со 58:83 (35:37) во првиот натпревар од разигрувањето за пласман од 9. до 16. место на Европското првенство од Дивизијата „Б“.
Клучниот момент на натпреварот дојде во третата четвртина. Македонија во овој период постигна само осум поени, но уште поголем проблем беше падот во одбраната. Ирска го искористи тоа, постигна 25 поени и направи разлика која до крајот нашите кадети не успеаја да ја надоместат.
Дион Шабани, Александар Зунзуровски и Илија Коневски беа најефикасни кај Македонија со по 13 поени.
 во првиот натпревар од разигрувањето за пласман од 9. до 16. место на Европското првенство од Дивизијата „Б“){kind=link}