Македонскиот Дејвис куп репрезентативец, Калин Ивановски ја мина првата пречка во синг конкуренција на ИТФ М25 Загреб турнирот откако денеска го победи Јан Фацек од Чешка со 2-0 во сетови (6-2 6-3) за 82 минути. Тој во следното коло ќе игра со Павлос Циципас од Грција, кој со 2-0 во сетови го победи Кирил Кивацев.
Ивановски во првиот сет направи два брејка во првиот и во петтиот гем, а тоа му овозможи предност и водство од 5:1 и сетот го заврши со 6:2. Во вториот сет резултатот беше изедначен до 3:3, а потоа следуваше мини-серија на Ивановски од три гема со два брејка и по реализацијата на втората меч топка го доби сетот со 6:3.
Од македонските репрезентативци утре настап ќе има и првиот носител Олег Приходко, кој ќе игра против Хлеб Секачов во поединечна конкуренција.
Во конкуренција на двојки Ивановски и Амар Хусеиновиќ ги очекуваат ривалите, како и Приходко и Андреј Чепелев. Ова значи дека утре (четврток) Ивановски и Приходко ќе имаат двојна програма.
 за 82 минути){kind=link}